Aalisarnerup siuarsarnissaanik suliniut

Europap kitaani niuerfiit akornanni Kalaallit Nunaannit qalerallit MCS-iimit allagartaligaasumik tunisassiaasut kajungerineqaraluttuinnarput. Ingammillu kajungerineqarput sinerissamut qanittumi umiatsiaararsortunit sikukkullu qimusserluni aalisarnermit pisaasut, Europamut tuniniarneqartartut.  Pinngortitaleriffimmiilli siunnersuutit qaleralinnillu aqutsinerit MSC-imit allagartalerneqarnissamut aporfissiisimapput. Tamakkulu peqqutigalugit aallartinneqarpoq taaneqartoq  Fisheries Improvement Project (FIP).  Siunertaavorlu FIP-mik aallartitaq ukioq marluk – pingasut qaangiuppata nunatta kitaani sinerissamut qanittumi qalerallit pisaasartut MSC-imik pappialalerneqarnissaanni ajornartorsiutaasut matullugit pappialalerneqarnissaq piviusunngortissagaa. FIP-mik taallugu ingerlanneqartoq aallartinneqarpoq 2018-imi augustip qaammataagaa, taamallu iliortoqarsinnaalersimavoq, Sustainable Fisheries Greenland iluatsitsisimammat amerikami Sustainable Fisheries Fund-imit aningaasalersorneqarnissamut. 

2019-imi aprilip qaammataani FIP-mik taallugu ingerlatap killiffia naatsumik nalunaarusiarineqarsimavoq.
Taannalu uani atuarneqarsinnaavoq

2020-va naalersoq Kalaallit Nunaata kitaata avannaani sinerissap qanittuani qaleralinniarnermut atatillugu innersuussutit tulleriiaartut Aalisarnerup siuarsarnissaanut suliniuteqartuniit saqqummiunneqarput. Aalisarnerup siuarsarnissaanut suliniuteqartuniit nalunaarusiaq uani atuarneqarsinnaavoq.