Kalaallit nungusaataanngitsumik aalisarnerat

Kalaallit aalisartut nungusaataanngitsumik mianerinnittumillu aalisarnissaq angujumallugu annertuumik suliniuteqartuupput. Kisannili naammanngilaq taamatut oqaannassalluni – tassami aamma uppernarsaasiisoqartariaqarpoq.

Taamaattumillu Sustainable Fisheries Greenland (SFG) aqqutigalugu suliniutigissallugu aaliangersimavugut, kalaallit aalisarnerisa amerlanersaat imatut nungusaataanngitsigisumik ingerlalissasut, tamanna uppernarsarlugu MSC – Marine Stewardship Council-imit amerlanerpaat pappialerneqarnissaat angusinnaassallugu.

MSC-imit tungujortumik naqqisusiissut takugunikku atuisut tatigisinnaavat aalisagaq pisiartik, attuumassuteqanngitsut naliliinerat tunngavigalugu, uppernarsasigaasumik nungusaanertaqanngitsumillu aalisarnermit pisaasoq.

Suliarisarpagut aalisartunut, ilisimatusarnermut suliffissuaqarfinnullu tunngasut, isumannaarumallugu imartatsinni nungusaataanngitsumik aalisarnissaq, taamallu iliornitsigut isumagalugu aalisakkanik qalerualinnillu naniuminartumik pisisoqartarnissaa pisiassanik peqarlutik tunngaveqartunik.

MSC-qartunik, tassalu aalisakkanik tunisassianik aalisakkamik tungujortunik ilisarnaasigaasunik, toqqaanikkut toqqaannartumik aalisarneq, imartatsinnik illersuisoq , tapersissavat aammalu allat taamatut iliornissaannik kammattuillutit.