Marine Stewardship Council (MSC)

MSC-imi nalinginnaasumik tunngaviit teknikertaqqangaatsiartuupput. Tunngavigineqartoq tassaavoq FNip nerisassanut nunalerinermullu suleqatigiifiata (FAO) akisussaassuseqartumik aalisarnissaq pillugu malerugassiai. Pingaarnertullu periutsit pingasuusut ataanni ipput uuttueriaatsit assigiinngitsut taaneqartartut. Taamaattumik aalisarnermik ingerlatsisorpassuit, MSC-imit pappialalerneqarnissamik suliniuteqarlutilluunniit nalilersuisut, suliniaqatigiiffiup taassuma suuneranik aammalu nalinginnaasumik tunngavigineqartut pillugit paasisaqarusuttartut . Tamatumunngalu atatillugu Sustainable Fisheries Greenland MSC-mi Atlantikup avanaanni aalisarnermut akisussaatitaasutut sulisut suleqatigisarpai. Soorlu suleqatigiissutigineqarsinnaasarput workshopertitsinissat, isumasioqatigiissitsinissat SFG-llu ataatsimiinnerit ingerlanniarumasinnasai allat. Taamatut iliornikkut sumiiffiusuni aalisarnermik ingerlataqartut allallu aalisarnermik soqutigisaqartut toqqaannartumik MSC-mi sulisumut apeqquteqarsinnaalersarput. Saniatigullu aamma takkuttarput SFG-p MSC-milu sulisuusut pappialaliinernut ukiumullu paasiniaalluni tusarniuteqartarnernut tunngasut suleqatigiissutigisinnaasaat. Taamatullu suleqatigiinnerit ilitsersuinernik aallaaveqarnerusarput.