Zoological Society of London

Zoological Society of London

Sustainable Fisheries Greenlandip ukiorpaalunngortuni immap naqqanik misissuinernut atatillugu Zoological Society of  Londonimi ilisimatusartut suleqatigisarpai, immaratammi naqqani ittarmata raajat.  

Suleqatigiinneq aallartippoq ukioq 2012, tassa nunatta Kitaani raajarnialeruttornerup MSC-mit allagartalersortinneri aallarteruttormata. Tamatuma nalaani immap naaqqata qanoq ittuunera ilisimaneqannginngajalluinnarpoq, taamaattumillu nalunaarsuilluni immap naqqanik titartuineq aallartinneqarpoq - tassa nalunaarsuillunilu uppernassaaserluilluni - misissuiffigalugit sumiiffiit naqqi mianernartumiittut annertuunik koraleqarfiullutillu pupeqarfiusut nalunaarsorneqarlutik.  Ingerlatat marluusimapput, tamarmik ukiuni pingasuni ingerlanneqartarsimasut. Misissuerinerillu piffissap sivikitsup iluani  ilisimalikkanik annertuunik pissarsiffiusimapput. Ilisimalikkat suli ilaartussallugit pingaartuusut. Zoological Society of Londonillu nunatsinni misissuinini ingerlateqqissavai, tassami maanna tassannga ilisimatusartuuusut EU-mit misissueqqinnissaminnut aningasaliiffigineqarsimammata, taamallu ingerlassinnaalerlugu BEST-projekt-imik taasartik. Tassani ingerlanneqartussami immap naqqi nunatta Kitaata avataani qaleralinniarfiusartuni ittut misissorneqassapput.